My Blog

名

我的新小弟弟.
他的名稱確定了.
詹德熙(相)
原因是.
要攞出身紙.

 G-Gen進度:81%

今周體重是13Stones1Pounds…繼續努力

今Date

今日香港一日遊
朝早, 養左大約一年既Lazy要離開我地. 我一早送左佢去HKDR,去到佢見到有咁多狗好驚, 不停震. o個度有個義工聽到就話 “有人黎放低隻一歲Jack Russell. 依家d人有冇搞錯.” 其實佢講得冇錯既. 我地真係有錯. 依家只有希望佢會搵到一戶好人家啦.

跟住去柴灣搵呀”女麻”. 個度好大塵. 下次要去清潔一下.

之後又去銅鑼灣. 去Ryan度攞返d”武神鳳凰”. 放左係佢度咁耐真係唔好意思. 上到去同佢吹左陣水. 佢新新買左部PS3. 同佢仲踢左一場Winning.

再之後就去香港考試局. 要去攞返d資料. 考返d未考既試.

跟住入大圍啦. 去到獅隧入口. 撞車喎. 自己就無咩事. 但係又搞左成個鐘. 架車要攞去整.

之後返屋企啦. 去到上水火車站. BEA有Promote. 咁我申請返張. 因為好多地方食飯佢有Discount嘛. 三個月簽滿三千六可以用$588買部Cyber Shot DC. 好抵玩.

G-Gen 進度76%

End of Today

有驚無險

用自己個網玩左呀Christy一下.
點知用wordpress立即用唔到.
是但啦. 咁咪Upgrade黎2.3.1囉.

點知….亂碼.
又係關d Code事.
總之..依家OK la. 但係d Plugin 同 Theme 又要由頭黎過..

聽日先再搞啦．．．NiteNite

減肥. 儲錢

現在的人吃了多於自己所需. 於是肥了. 跟著還要用時間金錢刻意去減肥. (自己也是). 是否很浪費呢?
而這樣對那些連基本溫飽都得不到的人. 是否很不公平呢?

基本上我是非常討厭浪費食物. 所以現在我也很x肥. 真係要減啦. 也可以當儲錢.

今天去了街市, 買了如下物資當一星期的午餐.
１：　１０蚊７個梨．
２：　１０蚊５個烏冬
３：　３６蚊４大塊雞件
４：　４蚊有ｄ波菜

Total 60蚊. 食５日. 全部清水煮加鹽. 清淡一些．又當係幫呢個世界出一份力. 何樂而不為

無聊事一二

因老板部電腦冇解壓縮software. 幫老板download一個. 但係. 個software本身係一個壓縮檔

尋晚同小環家豪出左去飲野. 班仆街真係好仆街

今之真係想開始減肥. 如果唔係冇人要. 我想現在每天吸收的卡路里是我需要的70-80%. 加上小小運動. (買左部單車呢. 見此) 希望可以慢慢減到.

呀蔡小姐. 今次真係祝妳同 Uncle K可以大步檻過. 開開心心啦. 見到妳咁迷茫落去真係唔係辦法.

有個朋友話我小朋友. 哈哈. 我當然係. 只不過都係o個句”別人笑我太瘋癲, 我笑他人看不穿”. 當然我唔係指佢笑我. 我仲開心佢咁直添.

好窮. 好窮. 要認真計畫下我d財政狀況

 每個星期記一下我的體重先. 現在是: 13stones 3pounds

G Gen 進度74%. 哈哈

又做人呀哥啦

小弟既小弟出身日期為: 2008/01/07.
時間: 19:44
體重: 7磅11安士
暫名: 詹德朗
性別: 男