My Blog

就咁就一星期

頭還有一點痛, 不過知道病已好得七七八八.
剩下的痛不要緊, 沒有新的痛源就可以了.

人現在輕鬆了. 距離完全放下. 應該還有一段時間.
開心快樂就好啦~~

今次ok喎

每次飲完酒. 當然個心會掛住自己中意既人.
尋晚飲酒. 小小貓時. 都有諗起佢. 會心微笑一下. 就完了.
這笑可能代表無奈, 代表開心. 也可以代表希望.
這下好了. 恭喜我啦.

不過. 點解每次都個”7″西係度.
仆街啦. 下次各位大佬唔好再叫佢一齊出黎啦

病有好轉

第三天? 係寫字樓做野做到都唔記得時間. 日夜不分.

感覺就像大病過後的初瘉

傷口還有一點點痛. 但是影響不大.
腦內有時一閃過她, 就是感覺不大.

這是喜, 還是哀?

戎煙

反正都是戎, 但順便戎埋煙啦.
佢同煙一樣, 都係心癮黎.
反正都戎緊佢, 戎埋啦.
唔駛使咁多錢

累女累女累

唉.怎麼了?
很累. 心在用的時候. 身也自然很累.

從何時開始我忘記了我是一個很喜歡黑暗的人.
一個人待在黑暗中, 聲著黑暗的音樂. 是多麼令人愉快的事.

或者是想刻意逃避這本性
何時開始我告訴自己是一個開朗的人
喜歡上人多熱鬧的地方.
時常用微笑的面孔對待他人.

就像是重新察覺到自己的虛妄的內在世界
和這令人忘卻自我的表像世界.
人可以在這兩個世界的狹間, 清醒地自欺地生活嗎?

繼續習慣

這兩天對我來說像過了兩個月一樣.
每一秒都在想著她. 隨即強迫自己要放下她. 不忍的心情跟著出現.
但嚴格來說這方向也是正確.

只是有一點點的副作用. 心理的不平衡時時刻刻在困擾著我.
我想開始的時候總會這樣子. 過多一點點時候就可以了.

今天終於有多一點點時間.
首先去Lobby搵呀Ziggee整左個頭.
剪短左之後後生左10年.
之後去旺角買返個Headphone.(之前的壞了)
都係audio-technica. 紅色的SQ5.
之後再到田園買左三島由紀夫的金閣寺.
及叔本華的三本書.
再到深水埗買了一些家用的電腦器材.

之前重看過了三島的”假面的告白”
“宴之後”借了給細姑姐.
這三四天看完了”夏子的冒險”及”潮騷”
前者給我的印象是.
現實和夢想的分別實在是太大了.
而後者對我來說只是一本平實的愛情小說.

叔本華, 不用說也會是”意志與表象的世界”. 另外兩本分別是”叔本華論文集”和”叔本華選集”
今天突然發現. 這兩年回到香港後. 被這現實的生活同化得讓我忘記了我喜愛的思考方式.
跟著想. “追逐金錢(資本主意)和追求真理(自信現在比較唯心)兩者的矛盾, 是否大得兩者不能共存”

習慣

第一天. 說真的那一句.
心是有一點點, 又或是多過一點點的不安吧
自知不會再遇上這樣的人.
但也自知這樣下去不行.
這些年來見她的次數. 不用盡雙手也的算盡.
但不知為何對她會有一種極親切的感覺.
是上天的命運安排?
是後天的自我欺騙?
不用想也知是後者吧.

想念她是真的, 放下她也是真的.
看到書架上的第二性和西蒙波娃傳. 也都是因為她在我心種下的種子.
今天的我是由她演變出來. 由第一天遇見她她已在改變我.
這些年來我以她為目標去生活.
總是在想像著. 我變成怎樣的話. 她會對我討厭小一點.
這顯然是錯的. 是我的改變錯了嗎? 是我的想像錯了嗎?
發現這事實之後, 緊隨的是. 我發現我的心也錯了.
感覺是很難去否定的. 對我來說無視這方面的自我存在會容易一點.

像是很矛盾.
但矛盾本身也是一件值得欣慰的事.
平直的人生有趣嗎?
像是那種出世戎奶上學拍拖工作結婚生育死亡太沒趣吧?
因有矛盾才會有其他故事發生在我們身上.
如果明天醫生對我說”你真是不幸, 這麼年青就有絕症”
年青和絕症這種帶點矛盾的意念.
我確信能帶給我一定的滿足感.

就是要多一點點時間去習慣這一齊. 不過我一直也生活在矛盾中. 很快就可以了.

P.S. MSN delete了她的contact, 因發現自己比想像中更在意她的在線與否. 不太希望再見到這麼軟弱的自己. 便對自己殘忍一點. 按決定的一瞬. 浮現了”一瞬間嗎?永恆嗎?”的感覺. 也不會再打給她. 也就代表今後不會再有跟她對話的機會.

Miss Chan’s bday 2008

尋晚去左cwb慶祝miss chan生日.
唔記得食飯就去飲野.
好辛苦呀.

終於飲完野.
貓住咁去粥鋪食左兩碗粥一碟炒麵.
之後又貓住咁返寫字樓.
等左好耐都冇車.

終於搭車去左沙田先.
去到以前住個度樓下..唉..好d感慨
跟住再搭車入荃灣.
去到荃灣酒樓買左d點心食.
再搭的士返office..

真係麻煩.

過去了.

黑暗
連一絲曙光也沒有的真正黑暗
身處在這種黑暗裹, 已渡過了多少時候呢
是永遠嗎…我也覺得好像是一瞬間

所有感覺都已麻痺了, 什麼感覺也沒有
我的心好像飄在半空一樣

我仍保持着頭腦清晰嗎?  我早已經瘋了嗎?

在什麼都是迷惘當中, 只有一種東西是鮮明的.

只有那傢伙
簡直好像黑夜中雷電般, 鮮明地在我腦海中浮現出來
接著重複再重複, 好像海嘯一樣, 無數的感覺蜂湧而至.
憎惡, 友愛, 嫉妒, 空虛, 氣憤, 可憐, 悲傷, 依依不捨, 飢餓感
渴望而徘徊的數個感情
那個並不是某一種感情, 而是包含了一切.

沒有那傢伙後, 我只有回到屬於我的黑暗之中.

人問

“”仲值得咩?”"
“什麼值不值得?”
“”Eunice呀!”"
“我也不知道…”
“”都明知冇機會啦. 搵個第二件啦.”"
“唔知. 中意一個人唔係用有冇機會去衡量. 而係用有冇感覺. 唔係應該係咁既咩?”
“”都係. 但係都咁多年啦. 你要做咩都做過晒. 如果有機會一早就比左你啦! 都係實際d好”"
“唉..機會. 繼續落去. 可能三兩年會再有機會見佢呢.”
“”你去死啦. 三兩年做到幾多野呀. 努力d養好間新公司都得啦. 浪費時間!”"
“都係. 但係比你有錢又點呀. 除非你諗住一個行晒成世人既路. 如果唔係. 你緊係想你最愛既人係你身邊同你一齊分享所有野嫁啦. 窮又有咩所謂”
“”你點知o個個人會係佢, 你肯定唔到嫁. 人去到唔到階段就會想要唔同既野嫁啦. 可能到你三十幾既時候, 反而會中意d廿幾歲既妹妹仔呢. 哈哈”"
“都係. 肯定唔到既. 既然冇野肯定到. 咪唯有信感覺囉. 同埋我都清楚. 我都唔係一個中意新鮮刺激既人. 我會中意可以last for 耐既野囉. 佢係我o個個黎嫁啦”
“”睇得出, 去骨場酒吧黎黎去去都係o個兩三間. 呢d可以叫長情. 但係其實係悶囉..哈哈”"
“咁有d覺得好既野. 夠既野. 追求落去都無意思啦.”
“”咁你唔試多d點知咩先叫好. 可能你去過第二d骨場, 就唔會再去瑪雅城呢.”"
“可能嫁. 都係感覺. 唔會刻意追求囉. 去開幾好咪繼續去囉. 有機會試到其他地方先算”
“”咁即係話, 就算比你同到一個人一齊. 就算你唔會刻意追求第二條女. 送到埋黎比你食. 你都會試呀?”"
“咁唔同. 對骨場唔駛講道德嘛. 對自己中意既人緊係要忠於對方啦”
“”你好鬼悶嫁. 唔怪得佢唔中意你啦!”"
“哈. 我一直都覺得自己會係一個好老公. 係咪好男朋友就見人見智啦”
“”okok..由頭黎過..佢有咩值得你咁中意佢?”"
“umum..講唔到.. 感覺黎.. ”
“”你成日話你中意左佢咁耐咁偉大. 但係你都有同過其他人一齊啦”"
“……”
“”仆街仔. 呢幾年同過幾多人一齊呀.”"
“兩個囉”
“”咁你成日話咁中意Eunice, 你又同其他人一齊?”"
“唉…唔知點講”
“”咁你就唔好講到自己咁x長情啦”"
“真係唔知點講. 但係真係最中意o個個係Eunice囉. 同o個兩個女仔一齊都成日為左Eunice同佢地唔開心”
“”咁都得!? 點解會咁?”"
“咪係我成日check Eunice 個xanga同friendster account, 比佢地知道左咪問我點解成日check呢個女仔d野”
“”底x死. 唔該唔好再扮偉大. 同一個又掛住第二條女. 介要個兩個女仔本身都有男朋友. 係都要做人第三者”"
“……”
“”咁咪係囉. 基本上你都係一個仆街”"
“係掛. 唔知呢. 但係呢一刻我好清楚我好中意Eunice.”
“”X~~你d所謂中意信唔過.”"
“有時我到唔信我自己”
“”咁都過左咁耐. 你打算點呀. 繼續等Eunice囉?”"
“唔知. 想放棄又唔想放棄”
“”點呀大佬. 女人好唔中意咁婆媽既男人”"
“咁有時好唔開心既時候. 真係想放棄. 好似今晚想約佢食飯. 佢冇話去唔去. 到我打比佢聽d鈴聲先知佢唔係香港. 我諗最基本既尊重都應該話聲比我聽嘛”
“”你都傻既. 你係佢邊個. 佢無責任尊重你喎. 亦都無責任要同你講d咩. 我感得佢冇問題呀. 比我係佢我都會咁做”"
“咁佢唔想去都可以輕輕sendo個sms比我嘛.”
“”都話你唔係佢邊個. 佢無責任嫁”"
“唉…咁話晒都識左咁耐”
“”下!? 識!? 佢有冇當過你係一個相識既人都有問題!”"
“咁唔會掛. 如果唔係就唔會同我出黎食飯啦”
“”你點知佢點解會同你食飯呢. 女人既野估佢唔到嫁”"
“咁食餐飯會有d咩. 我覺得佢已經係比我左一個機會我. 只不過都係唔得”
“”x. 你唔好咁x自大啦. 都話要比就一早比左你啦. 個次擺明搵你”Zip”時間啦”"
“唔會. 要搵都唔搵我啦. 同埋佢係特登出黎. 唔係出開街無啦啦搵我.”
“”總之你唔好咁單純啦. 可能係悶悶地搵個人見下. 可能驚你會再唔搵佢. 得閒咪釣下你癮”"
“佢唔係咁既人”
“”X. 你依家咁X中意佢佢緊係一個好人啦”"
“我知佢係咪得囉”
“”咁你打算點? 繼續中意呢個玩係既人”"
“唔知”
“”聽我講. 唔好繼續落去啦. 溝個第二件啦. 你唔係好好. 但係都唔算太差. 放底一排就好易唔記佢啦. 不過真係放底先好.”"
“其實我都想放底既. 就算真係中意都放係心. 唔好再煩住佢”
“”咁諗咪好囉. 唔好搵佢一排. 跟住同多d其他姐姐仔玩下. 咁就very good啦”"
“我都希望真係放底到啦”